АНУ-ын Батлан хамгаалахын сайд Марк Эспер Монгол Улсад айлчилж байна. Тэрбээр Пентагоны тэргүүний хувиар хийх анхны гадаад айлчлалаа Ази тивийн таван улсаас эхлэхээр болсны нэг нь Монгол Улс юм.
Тэрбээр өнөөдөр Батлан хамгаалахын сайд Н.Энхболдтой уулзалт хийсэн. Уулзалтын дараа Н.Энхболд түүнд хонгор зүсмийн морь бэлэглэлээ. Тэрээр морь бэлгэнд авсан сэтгэгдлээ илэрхийлэхдээ “Эрэмгий дайчин, энх тайвныг эрхэмлэгч байсан Генерал Жорж Маршалын нэрээр энэхүү адуугаа нэрлэж байна” хэмээсэн байна. Түүнчлэн тэрбээр цэргийн Их хар сүлдний өргөө орж хүндэтгэл үзүүлсэн юм.