Орон сууцны гурван давхраас унах гэж байсан бага насны хүүхдийг Онцгой байдлын алба хаагчид аварч, аюулгүй болгожээ.
Дуудлага өчигдөр буюу наймдугаар сарын 7-ны өдөр Дорноговь аймгийн Замын-Үүд сум дахь Онцгой байдлын хэлтэст ирсэн бөгөөд дуудлагын дагуу гал унтраах, аврах 17 дугаар ангийн таван албан хаагч очиж, дөрвөн настай Э хүүг гурван давхрын цонхны тавцан дээр хөлөө унжуулаад сууж байхад нь сунадаг шат ажиглан аварч, ар гэрийнхэнд нь хүлээлгэн өгсөн байна. Эцэг эх нь бага насны хүүхдээ ганцааранг нь цоожлоод явсан хойгуур ийм хэрэг гарчээ.
Хүүхдийг асран хамгаалагчийн хамт үлдээж, харгалзах хүнгүй гэрт нь цоожлохгүй байхыг албаны хүмүүс сэрэмжлүүлж байна.