Замын хөдөлгөөний түгжрэл саатлыг бууруулах зорилгоор энэ сарын 25-наас буюу өнөөдрөөс эхлэн Нийслэлийн авто замын хөдөлгөөний таван чиглэлийг нэг чигийн хөдөлгөөнд оруулж байна. Тодруулбал,
1. Чингэлтэй дүүрэг 1-р хороо буюу 23-р сургууль, Мөнгөн завъяа орчмын орон сууцны хороолол дундуур өнгөрдөг замыг урдаас хойш чиглэлд нэг чигийн хөдөлгөөнтэй болгож байна.
2. Чингэлтэй дүүрэг 2-р хороо буюу Голомт банк, Компьютер ланд төвийн баруун замыг хойноос урагшаа нэг чиглэлд, зүүн замыг урдаас хойшоо нэг чиглэлд,
3. Баянзүрх дүүрэг 6-р хороо буюу Баянзүрх захын баруун болон урд гудамж
4. Баянзүрх дүүрэг 4-р хороо “Американ дэнж”-ийн урд замыг зүүнээс баруун чиглэлд буюу “Гялс” төврүү нэг чигийн хөдөлгөөнд орууллаа.
5. Чингэлтэй дүүрэг 1-р хороо буюу Тэди төвийн зүүн замыг хойноос урагшаа нэг чиглэлд, Найман шаргын замыг урдаас хойшоо чиглэлд оруулж байна. Дээрх өөрчлөлт өнөөдрөөс мөрдөгдөх бөгөөд Тээврийн цагдаагийн албанаас гудамж замын хяналт шалгалтыг эрчимжүүлэх тул жолооч нар энэхүү замын хөдөлгөөний чиглэл, зохион байгуулалтад бэлтгэлтэй байхыг зөвлөж байна.
Замын хөдөлгөөний ачаалал харьцангуй бага байгаа энэ үеэр мэдээлэлгүй иргэдэд мэдээлэх ажлыг түлхүү явуулахаар Замын цагдаагийн газраас төлөвлөн ажиллаж байна. Эхний ээлжинд жолооч нарт арга хэмжээ авалгүйгээр, суртачлан таниулах ажлыг цагдаа нар уулзварууд дээр хийж байна.