Монгол, Франц улсын ардын зураач, МУЭ-ийн шагналт Б.Чогсом, Монгол улсын Ардын зураач, Төрийн шагналт Д.Болд нарын хамтран толилуулж буй “Урлагийн амьдрал” уран бүтээлийн үзэсгэлэн өчигдөр “Монгол Арт Галерей”-д нээлтээ хийлээ. Үзэсгэлэн хүрээнд энэ сарын нэгнээс 28-ны өдрүүдэд “Монгол Арт Галерей”-н бүх танхимд 200-аад бүтээлийг дэлгэх юм байна.
“Урлагийн амьдрал” үзэсгэлэнд Монгол, Франц улсын ардын зураач, МУЭ-ийн шагналт Б.Чогсомын дэлгэж буй 1958-1982 оны судалбарууд, “Монгол Арт” галерейн сан хөмрөг дэх уран бүтээлүүд нь тухайн цаг үед улс оронд өрнөж байсан бүтээн босголтын үйл явцаас баримтжуулснаараа өндөр ач холбогдолтой, үнэ цэнэтэй болж байна.
Б.Чогсом “Хавтан булш” 2019 он
Б.Чогсом “Хорго” 2017 он
Мөн үзэсгэлэнд Монгол улсын Ардын зураач, Төрийн шагналт Д.Болд 2017-2018 онд бүтээсэн абстракт зургуудаа түлхүү дэлгэсэн нь сүүлийн үед түүний амьдралд гарсан өөрчлөлтүүдээс үүдсэн сэтгэл санааны байдлаа үзэгч түмэнтэйгээ хуваалцаж байгаа ажээ.
Д.Болд “Наран цэцэгсийн дунд” 2019 он
Д.Болд “Зохиомж-1” 2007 он
М.Саруулдөл