100 айл орчмын авто замын өргөтгөл шинэчлэлийн ажил өнөөдрөөс эхлэн VIII сарын 15-ныг хүртэл хийх тухай нийслэлийн Авто замын хөгжлийн газраас мэдээлэл хийлээ. Өнөөдрөөс эхлэн 100 айл орчмын 1.6 км авто замын шинэчлэлийн ажлыг эхлүүлж байгааг албаныхан хэллээ. Зам засварын ажлыг хийхдээ гурван хэсэгт хуваан хаах юм байна. Энэ сарын 10-ныг хүртэл 32-ын тойргоос “Хангай” хотхон хүртэлх 0.3 км замыг, “Хангай” хотхоноос Улсын бүртгэлийн ерөнхий газар хүртэлх 0.6 км замыг 15-наас 28-ныг хүртэл, Улсын бүртгэлийн ерөнхий газраас 100 айлын уулзвар хүртэлх 0.7 км замыг VIII сарын 15-ныг хүртэл тус тус хааж, авто замыг шинэчилэхээр төлөвлөжээ. Уг ажлын хүрэнэд 3,4 тэрбум төгрөг төсөвлөгджээ.