Хятадын дарга Ши Жиньпин энэ долоо хоногт анх удаа БНАСАУ-д төрийн айлчлал хийх гжу байгаа тухай тус улсын төв мэдээллийн агентлаг CCTV мэдээлжээ.
БНАСАУ-ын мэдээллийн хэрэгслүүд ч мөн Ши Жиньпиний айлчлалыг батлаад байгаа ба хоёр удирдагч Солонгосын хойгийн асуудлаар хэлэлцэнэ гэдгээс өөр дэлгэрэнгүй мэдээлэл өгөөгүй байна. Хятадын дарга 2012 онд ажлаа хүлээн авснаас хойш Ким Жон Унтай нийт дөрвөн удаа Хятадад уулзсан байдаг. Харин БНАСАУ-д өөрийн биеэр очиж байгаагүй юм байна. БНАСАУ-ын удирдагч Ким Жон Уны хувьд АНУ-тай хийсэн яриа хэлэлцээрүүд нь амжилтгүй болсноос хойш ОХУ, Хятадтай харилцаагаа зузаатгаж эхлээд байгаа билээ.
Зарим улс төрийн шинжээчдийн үзэж буйгаар Ши Жиньпиний энэ удаагийн айлчлал ач холбогдлоор бага ч гэсэн цөмийн яриа хэлэлцээнд Хятад улс ч мөн тодорхой байр суурьтай гэдгийг бусад улс орнуудад харуулах гэсэн зорилготой хэмээн дүгнэж байна.
Хамгийн сүүлд 2005 онд Хятадын удирдагч БНАСАУ-д айлчилж байжээ. Тухайн үед БНХАУ-ын дарга байсан Ху Жиньтао тус улсад гурван өдрийн айлчлал хийхдээ Ким Жон Уны эцэг Ким Жон Ильтэй уулзаж байсан аж.