Дундговь аймгийн нутаг, Их газрын чулууны ууланд Хустайн байгалийн цогцолборт газраас Монгол тарвага сэргээн нутагшууллаа.
Аймгийн хэмжээнд 2000 оны дунд хүртэл тарвага элбэгтэй газрын тоонд ордог байсан “Их газрын чулуун”-ы уул орчмын тарвага хүний буруутай үйл ажиллагаанаас болж тарвага үзэгдэх нь багасч устах хэмжээнд хүрчээ. Тиймээс “Их газрын чулуун”-ы байгалийн цогцолборт газрын хамгаалалтын захиргаанаас тарвага нутагшуулах төслийг амжилттай хэрэгжүүллээ. Тарвага нутагшуулснаар биологийн төрөл зүйл нэмэгдэж, экологийн тэнцвэрт байдал хангагдах юм.
