Ардчилсан намын дэд дарга агсан Г.Батхүү амиа алдсан хэрэгтэй холбогдуулан УИХ-ын гишүүдээс дарамт, шахалт ирж байгаа гэх мэдээлэл байгаа гэдэг. Тэгвэл энэ талаар Хууль зүй, дотоод хэргийн сайд Ц.Нямдорж “Энэ хэргийг шалгаж байгаа газар нь мэдээлэл хийлээ. “Ном журмаараа шалгагдаж байгаа. Хэргийг шалгахад гаднын нөлөө, дарамт шахалт үзүүлж байгаа тухай мэдээлэл надад ирээгүй. Шинжилгээний хариу бага зэрэг удах байх. Энэ шинжилгээний хариу гарахад тодорхой хугацаа байдаг. Надад ямар нэг байдлаар дарамт, шахалт ирсэн зүйл байхгүй” гэжээ.