Хувь хүний орлогын албан татварын тухай хуулийн 16.1.12-д заасны дагуу Нийслэлийн хэмжээнд 17202 татвар төлөгч иргэн 16 тэрбум 667 сая төгрөгийн татварын чөлөөлөлт эдэлж, 12,515 татвар төлөгч иргэн хуулийн 24.6 болон 24.7 заалтаар дөрвөн тэрбум 104 сая төгрөгийн татварын хөнгөлөлтөд хамрагджээ. 2018 оны Хувь хүний орлогын албан татварын тайлангаар баталгаажсан 29,717 татвар төлөгч иргэний 20 тэрбум 771 сая төгрөгийн буцаан олголтыг Нийслэлийн төрийн сангаас Арилжааны банкуудаар дамжуулан иргэдийн дансанд олгоод байна гэж Нийслэлийн татварын газраас мэдээллээ.