Маргааш буюу энэ сарын 6-ны өдөр одоогоос 15 жилийн өмнө Малайз улсад Ш.Алтантуяагийн амь насыг онц ноцтойгоор хөнөөсөн хэрэгтнүүдийн шүүх хурал Куала Лумпурт болно. Энэхүү шүүх хуралд МУ-ын Ерөнхийлөгчийн көвлөх оролцохоор болжээ.
Энэ талаар Ерөнхийлөгчийн хүний эрхийн зөвлөх Г.Уянга өөрийн фэйсбүүк хуудаснаа бичихдээ: “Малайзад хэрцгийгээр алуулсан Ш. Алтантуяа бүсгүйн шүүх хуралд оролцуулахаар МУ-ын Ерөнхийлөгч Х.Баттулга Хүний эрхийн зөвлөхөө томилж явууллаа. Бүсгүйн аав С.Шаарийбуу гуайн хамт УБ-аас хөдөлж байна. МУ-ын иргэн хэн ч хаа ч байсан монгол төрийн хамгаалалтад байх ёстой! Шүүх хурал 5 сарын 6-нд талийгаач охины төрсөн өдөр Куала Лумпурт болно” гэжээ.