Нийслэлийн цагдаагийн газрын Халаасны хулгайн гэмт хэрэгтэй тэмцэх хэлтэс, Урьдчилан сэргийлэх хэлтэс, Баянгол дүүрэг дэх цагдаагийн хоёрдугаар хэлтсээс “Хар хорин” худалдааны төвийн удирдлага, ажилтан алба хаагчид болон лангуу түрээслэгч иргэдэд “Халаасны хулгайн гэмт хэргийн гаралт, түүнийг бууруулах, урьдчилан сэргийлэх чиглэлээр хийж хэрэгжүүлсэн ажил, арга хэмжээний үр нөлөө, цаашид авах арга хэмжээ” сэдэвт сургалт, зөвлөгөөнийг 2019 оны 05 дугаар сарын 03-ны өдрийн 09 цагт “Хар хорин Хүрээ” ХХК-ний хурлын зааланд зохион байгууллаа.
Сургалт, зөвлөгөөнд НЦГ-ын МШГ-ын Халаасны хулгайн гэмт хэрэгтэй тэмцэх хэлтсийн дарга, цагдаагийн х/а Э.Бат-Эрдэнэ, НЦГ-ын УСХ-ийн ахлах байцаагч, цагдаагийн а/д М.Зоригтбаатар, Баянгол дүүрэг дэх цагдаагийн хоёрдугаар хэлтсийн дэд бөгөөд Эрүүгийн цагдаагийн тасгийн дарга, цагдаагийн д/х Т.Эрдэнэбат, ахлах байцаагч, цагдаагийн х/ч Б.Түвшинбаяр, , МШГ-ын Халаасны хулгайн гэмт хэрэгтэй тэмцэх хэлтсийн эрүүгийн мөрдөгчид болон “Хар хорин” худалдааны төвийн удирдлагууд ажилтан алба хаагч, түрээслэгч 130 орчим иргэд оролцсон юм. Баянгол дүүргийн 20-р хорооны нутаг дэвсгэрт үйл ажиллагаа явуулдаг “Хар хорин” худалдааны төвийн түрээслэгч, иргэдийн санал бодлыг сонсож цаашид хийж хэрэгжүүлэх ажил, арга хэмжээ зохион байгуулах ажлын талаар зөвшилцөж, гэмт хэргээс урьдчилан сэргийлэх чиглэлээр дээрх аж ахуй нэгж байгууллагын туслалцаа дэмжлэгтэйгээр тухайн орчныг “Аюулгүй бүс” болгох зорилгоор эхний ээлжид сүүлийн үеийн чанарын стандарт шаардлагыг хангасан, сэжигтэй этгээдүүдийн царай төрх таньдаг IP технологийн иж бүрэн телекамерыг системийг суурилуулахаар тус худалдааны төвийн удирдлагаар ахлуулсан ажлын хэсэг байгуулан ажиллаж байна.