УИХ-ын чуулганы нэгдсэн хуралдаанаар Ой хээрийн түймрээс урьдчилан сэргийлэх талаар Шадар сайд Ө.Энхтүвшин мэдээлэл хийлээ. Дараагаар нь гишүүдийн асуултад хариулж байна. УИХ-ын гишүүн Б.Пүрэвдорж “Хуурайшилт ихтэйгээс ой, хээрийн түймэр их гарч байна. Онцгой байдлын албан хаагчид хүнд нөхцөлд ажиллаж байна. Хөдөлмөрийн багаж, хувцасны хангамж муу харагдсан. Энэ хүнд нөхцөлд У.Хүрэлсүх цэрэг хувцсаа өмсөөд явах хэрэгтэй. Энд яриад суугаад байж болохгүй гэлээ. Шадар сайд Ө.Энхтүвшин:
-Онцгой байдлын албан хаагчид сайн ажиллаж байгаа. Харин хувцасны тухайд хангаж өгөх хэрэгтэй. Ялангуяа усны хувцасны хангамж муу байгаа. Дарга нар энд яриад суугаагүй. Ариунбуян дарга Хэнтий аймагт урьд шөнө ажиллаж байгаад өнөөдөр мэдээлэлтэй учир энд ирээд сууж байна хэмээв.
Ой хээрийн түймрээс урьдчилан сэргийлэх талаар мэдээлэл хийж байна
15:30 цаг:
УИХ-ын үдээс хойшхи хуралдаан эхэллээ. Хуралдаанаар ой, хээрийн түймрээс урьдчилан сэргийлэх талаар Шадар сайд Ө.Энхтүвшин мэдээлэл хийж байна.
Хуурайшилт ихтэйгээс ой хээрийн түймэр гарч, урьдчилан сэргийлэх талаар арга хэмжээ авч хэрэгжүүлж байгаа аж. Ялангуяа зүүн аймагт хуурайшилт ихтэй байгаа гэнэ. Нийслэлийн ногоон бүсэд хуурайшилт ихтэй байгаа тул нийслэлийн Засаг дарга захирамж гаргаж, зургадугаар сарын 15-ныг хүртэл ногоон бүсэд аялал жуулчлахыг хорьж, хяналт шалгалт тавьж ажиллаж байгаа юм.