Өнөөдөр дэлхийн хэвлэлийн эрх чөлөөний өдөр тохиож байна.
ЮНЕСКО-ийн Ерөнхий бага хурлын 26 дугаар чуулганаар гаргасан Зөвлөмжийн дагуу 1993 онд НҮБ-ын Ерөнхий ассамблейгаар жил бүрийн тавдугаар сарын 3-ны өдрийг Дэлхийн хэвлэлийн эрх чөлөөний өдөр болгон тэмдэглэхээр баталсан байдаг. Дэлхийн 100 орчим улсад тэмдэглэн өнгөрүүлдэг энэхүү өдрийн ач холбогдол, үр нөлөөг дээшлүүлэх үүднээс жил бүр дэлхийн хэвлэл мэдээллийн салбарт тулгамдаж буй асуудлуудаас тодорхой сэдвүүдийг онцлон ач холбогдол өгсөөр ирсэн. Энэ жилийн тухайд “Ардчиллын төлөө хэвлэл мэдээлэл хуурамч мэдээллийн үе дэх сонгууль ба сэтгүүл зүй” сэдвийн хүрээнд тэмдэглэн өнгөрүүлж байна. Уг өдөрт зориулсан үйл ажиллагааг ЮНЕСКО-ийн Монголын үндэсний комисс, Глоб Интернэшнл төв хамтран өчигдөр зохион байгуулжээ.