МҮСБХ болон МСБХ хамтран зохион байгуулж буй Үндэсний лигийн тэргүүн хэсэг өндөрлөв.
Тоглолтын эхний үеийн дунд хэсгээс л илүү явсан Архангай Алтан Дорнодын Дайчид баг 115-107 харьцаатай хожлоо. Ингэснээр Дайчид баг гурван жил дараалан аварга болов. Улмаар финалын “Үнэ цэнэтэй тоглогч” оор ОУХМ Т.Санчир тодорлоо. Мөн тэмцээний хаалтын үйл ажиллагаан дээр улирлын шилдэг импорт тоглогчийн шагналыг Дайчид багийн AJ West-д гардууллаа. Харин Үндэсний лигийн энэ улирлын дэд аварга Ховд Шонхорууд болж Өвөрхангай Тэнүүн Өлзий баг хүрэл медаль хүртлээ. Дашрамд хэлэхэд Аваргын цувралын долоо дахь тоглолтын билетийн орлогыг МҮСБХолбооны хамт олон, САЙН НАЙЗ хөгжлийн төвд гардуулж өгсөн юм.
Улирлын билэгдлийн гарааны таван тоглогч:
Шилдэг холбогч: Г.Баттөр |Архангай Алтан Дорнодын Дайчид|
Шилдэг хамгаалагч: Б.Батзолбоо |Сүхбаатар Альнс Тех|
Шилдэг довтлогч: Г.Цэнгүүнбаяр |Ховд Шонхорууд|
Шилдэг довтлогч: Э.Дөлгөөн |Ховд Шонхорууд|
Шилдэг төвийн тоглогч: Д.Дэлгэрням |Өвөрхангай Тэнүүн Өлзий|