Олон улсын жүдо бөхийн холбооны (IJF) уламжлалт тэмцээн болох Тбилисийн гран при тэмцээн өчигдөр эхэллээ. Гүржийн нийслэл Тбилис хотноо гурав хоногийн турш үргэлжлэн явагдах тэмцээнд 52 орны 372 жүдоч оролцох бол манай улсаас 15 тамирчид оролцож байгаа юм.
Өчигдөр манайхаас долоон бөх барилдаж МУГТ М.Уранцэцэг, МУГТ Г.Болдбаатар, Б.Хорлоодой нар хүрэл медалийн төлөө барилдах эрхтэй болж, МУГТ, дэлхийн аварга М.Уранцэцэг хүрэл медаль хүртлээ.