Н.Энхбаяр гуай шорон оронд орж түмэн олныг багагүй хугацаанд шуугиулж, эцэст нь төрийн өршөөлөөр суллагдсан байх. Одоо бол тэтгэврийн насны хүн. Өнөөх олны анхаарлын төвд орчихоод буй Е.Сагсай гэх прокурор мөн л тэтгэврийн насны хүн шиг байгаа юм. Товчхондоо эд нар ач, зээтэй өвөө нар болов уу. Гэтэл Н.Энхбаяр телевизээр “Сагсай прокурор шалгаж байгаа хүнийхээ эхнэрийг зүй бус бэлгийн харьцаанд оруулж, нөхрийг нь хэргээс мулталдаг” гэж жишим ч үгүй ярьж суух юм. Нөгөө хүн нь энэ яриаг сонсоод дуугүй өнгөрнө гэж үү. Хэн ч байсан өрвөлзөж л таарна. Тэр бүү хэл онц ноцтой гэмт хэрэгт гүтгэлээ гэж шүүх, цагдаад тулах байлгүй. Хэрэг нээн
Н.Энхбаяр гуай шоронд ороод огт хүмүүжээгүй байх юмсэжигтэн, яллагдагч болоод явчихвал “Адгийн зарга арван хоног” гэгчээр дор хаяж хоёр жилийн зарга үүснэ. Дахиад яллагдчаар татагдсан хүн УИХ-д нэр дэвшихгүй болно. Энэ хугацаанд бүх сонгуулиуд болоод өнгөрөх нь мэдээж. Үгүй ээ мөн ч засрахгүй хүн юм даа. Өдий насны хүн зарим үгээ залгиж сурсан баймаар юм гэж халагламаар санагдах юм.
Ер нь манай улс төрийн ийм ахмадууд хэвлэл мэдээллийн хэрэгслээр ярихдаа үгээ бодож, цэнэж, тунгааж байж унагаж баймаар сан. Болдоггүй л юм байх даа. Ерөнхийлөгч асан Н.Энхбаяр, Ерөнхий сайд асан Н.Алтанхуяг, Буянгийн Жагаа, шударга Ц.Нямдорж нар бүгд л хамаа замбараагүй ярьцгааж харагддаг. Угтаа бол 60 хол давчихсан, тэтгэвэртээ сууж байгаа, тэтгэврийн насны хүмүүс л санагдах юм. Ядахдаа ач, зээ нар нь “Өвөө би танаас ичиж байна. Та телевизрээр тэгж хэлсэн гэнэ. Манай найз нар намайг шоолоод байна” гэж зэмлэдэггүй л юм байх даа.
Н.Энхбаяр гуай шоронд ороод бүр эвдэрчихжээ. Өөрөө ч энэ тухайгаа телевизээр “Намайг шоронд хүмүүжээгүй, хүмүүжилгүй хүн гээд сонгуульд нэр дэвшүүлээгүй” хэмээн ярьж байна лээ. Үнэхээр ч хүмүүжээгүй байна. Ярьж хэлж байгаагаас нь эрүүгийн том гэмт хэрэгтэн өс хонзонгоо зарлаж байгаа мэт л дүр зураг харагдах болсон гэхэд хилсдэхгүй болов уу.