Шинэ Зеландын Крайстчерч хотын хоёр сүмд зэвсэгт халдлага гарч 40 хүн амиа алдаж, 20 гаруй хүн хүнд гэмтэл авсан талаар BBC мэдээллээ. Энэ хэрэг гарсантай холбоотойгоор гурван эрэгтэй, нэг эмэгтэйг сэжигтнээр татаж баривчилсан байна. Халдлагад хэчнээн хүн оролцсон нь одоогоор тодорхой бус байна. Цагдаагийн тусгай ажиллагааны үеэр гар хийцийн тэсрэх бөмбөг, галт зэвсгүүд хураан авчээ. Хурааж авсан эд зүйлсийн тоо ширхгээс дүгнэхэд халдлагыг маш нарийн зохион байгуулсан байж болзошгүй хэмээн шинжээчид үзэж байгаа аж.