Сэлэнгэ аймгийн Ерөө сумын III баг, Бугант тосгоны нутагт орших “Улаан хясаа” гэх газарт ашигт малтмалын олборлолт явуулж байсан зөрчлийг энэ сарын 5-ны өдөр илрүүлсэн байна. Зөрчлийг нутгийн иргэдийн мэдээллийн мөрөөр илрүүлжээ. Сэлэнгэ аймгийн Мэргэжлийн хяналтын газраас аймгийн Цагдаагийн газар, Тагнуулын газартай хамтран шалгалт хийсэн байна. Ашигт малтмал олборлогч нэр бүхий иргэд нь Ерөө голын гольдрилд мөс цөмлөн орж, хууль бусаар ажиллаж байжээ.