АН-ын Үндэсний Бодлогын хорооны гишүүдийн 1/3, нийслэл аймаг дүүрэг тухайн жилээсээ шалтгаалаад 1/3 эсвэл 2/4-д ротаци явуулдаг болсон. Харин энэ жилийн хувьд тус нам III сарын 1-ний өдрөөс ротациа зарлажээ. ҮБХ-ны 112 суудал дээр өрсөлдөнө. ҮБХ-ны энэ удаагийн ротацийн сонгуульд нэр дэвшигчид өчигдөр үнэмлэхээ гардан авсан байна. Нэр дэвшигчид энэ сарын 22-ны өдрийг хүртэл гишүүд дэмжигчидтэйгээ уулзаж сурталчилгаагаа хийх бөгөөд харин сонгууль гуравдугаар сарын 24-ний өдөр товлогджээ.
Энэ удаагийн сонгуульд 112 суудал дээр 190 гаруй хүн өрсөлдөж байгааг тус намын Ерөнхий нарийн бичгийн дарга Ц.Туваан тодруулав. Мөн аймаг нийслэлийн намын хороод энэ хугацаанд ротацийн сонгуулиа зэрэг явуулж байгаа ажээ.