Худалдаа хөгжлийн банкны гүйцэтгэх захирал О.Орхон мэдээлэл хийлээ.
Тэрээр “Өчигдөр гэрээсээ ажил руугаа явж байхад хууль бусаар намайг баривчилсан.
Ямар учиртай, ямар баривчилгаа болох талаар огт тайлбарлаагүй. Энэ бол хувь хүний эрх болоод хуулийг ноцтой зөрчсөн хэрэг болсон. Энэ бол улс төрийн зорилготой, албан тушаал, эд хөрөнгийн дахин хуваарилалтын дор болсон явдал.
Энэ хууль бус үйл ажиллагааг шүүхэд мэдэгдснээр шүүх хууль бус гэдгийг нь тогтоож сулласан.
Өмнө нь Эрдэнэтийн 49 хувийн асуудалтай холбоотойгоор өнгөрсөн онд нэг удаа дуудаж мэдүүлэг авсан. Биднийг баривчлахын өмнө Л.Оюун-Эрдэнэ сайд Ц.Пүрэвтүвшин, О.Орхон нарыг шоронд хоригдох болсонд харамсаж байна гэсэн. Цагдаагийн байгууллага зөвхөн гэрчийн мэдүүлэг авсан. Монголын нийгэмд болж байгаа бүх зүйлийн цаана нэг банк, нэг хүн байгаа мэтээр зохион байгуулалттайгаар мэдээлэл цацаж байгаа.
Л.Оюун-Эрдэнэ сайдын ил болгосон зүйл бол саяхан ил болсон зүйл биш. Тэр схем бол Эрдэнэтийн 49 хувийг худалдан авах ажиллагааг шалгах ажлын хэсгийн гаргасан схем. Схемд хууль, шүүхийн байгууллагаар нотлогдоогүй, худал зүйл олон бий. Энэ дээр харилцагчийн нууцтай холбоотой олон нууц байгаа. Схемд ашигласан материалууд бол хууль шүүхийн байгууллагуудын олж авсан зүйл” гэлээ.