МҮХАҮТ-ын XX их хурал өнөөдөр өглөөний 04:00 цаг хүртэл үргэлжилж, тус танхимын Удирдах зөвлөлийн дарга бөгөөд ерөнхийлөгчөөр “UFC” группийн ерөнхийлөгч О.Амартүвшинг сонголоо. Тэрбээр нийт 259 санал авч, ирэх дөрвөн жил МҮХАҮТ-ыг удирдана. Б.Лхагважав 127, Хас-ын Ч.Ганхуяг 73, Б.Жаргалсайхан 25 санал тус тус авчээ. Энэ удаагийн хуралдаанаар дүрмээ мөн шинэчилжээ. МХАҮТ-ын ерөнхийлөгчид О.Амартүвшин, Б.Лхагважав, Ч.Ганхуяг, Б.Жаргалсайхан, Өгөөж компанийн захирал н.Түмэнгэрэл нар өрсөлдсөнөөс н.Түмэнгэрэл нэрээ татаж О.Амартүвшин, Б.Лхагважав, Ч.Ганхуяг, Б.Жаргалсайхан нарын дунд санал хураалт болсон юм.
О.Амартүвшин МҮХАҮТ-ын ерөнхийлөгчөөр сонгогдвол танхимыг судалгааны институци болгож, стратеги судалгаа хийдэг, зах зээлээ судалдаг, эдийн засгийн орчноо танддаг байх байгууллага болгох зорилтыг тавина гэдгээ өмнө нь мэдэгдэж байсан юм.