ОХУ-ын Киров хотноо ирэх гуравдугаар 8-10-нд мөсөнд авиралтын дэлхийн аварга шалгаруулах тэмцээн болно.Энэхүү тэмцээнд манай улсаас хоёр тамирчин өрсөлдөх юм. Тодруулбал, дасгалжуулагч Ц.Хосбаяр, Х.Нямдоо нарын удирдлага дор “Сутайн бор” клубын тамирчин О.Сайханжаргал хурд болон техникийн төрөлд, тамирчин ОУХМ Н.Хэрлэн хурдны төрлөөр өрсөлдөхөөр бэлтгэлээ базааж байна. ОУХМ Н.Хэрлэнгийн хувьд өнгөрсөн 7 хоногт АНУ-д Дэлхийн цанын АШТ цувралын дараа ОХУ-ын Москва хотод өнөөдөр ирсэн байна. Тэрээр Киров хотод ирж ДАШТ-ий бэлтгэлээ хийнэ. Монголын уулчдын үндэсний холбооны баг тамирчид ийнхүү дэлхийн шилдгүүдтэй Киров хотноо ур чадвараа сорин өрсөлдөнө.