Улсын хэмжээнд хаврын хуурайшилт эхлэхээс өмнө ойн цэвэрлэгээний ажил хийгддэг. Энэ оны ойн цэвэрлэгээ арчилгааны ажил эхлээд байгаа бөгөөд ойн цэвэрлэгээ хийх газрын судалгааг гаргуулж мэргэжлийн аж ахуйн нэгжээр гүйцэтгүүлдэг байна. Өнөөдрийн байдлаар Богдхан уулын тусгай хамгаалалтын бүсэд хэсэгчилсэн ойн цэвэрлэгээний ажлыг зургаан аж ахуйн нэгж байгууллага гүйцэтгэж байгаа юм. БОАЖЯ-ны Ойн бодлого зохицуулалтын газрын даргын түр орлон гүйцэтгэгч Б.Оюунсанаа, “Иргэд ойн цэвэрлэгээ нэрийн дор нойтон, ногоон мод огтолчихвий, далимдуулаад хууль бус бизнес хийчихвий зэрэг асуудалд анхаарал хандуулдаг . Харин мэргэжлийн байгууллагууд болон холбогдох төрийн байгууллагаас ойн цэвэрлэгээний үед нэг ч ногоон мод огтлох ёсгүй гэдгийг хэллээ. Тэр ч үүднээс ойн цэвэрлэгээ хийж байгаа компаниуд хариуцсан хэсэгтээ иргэдэд ойлгомжтой байдлаар мэдээллийг байршуулж Ойн цэвэрлэгээ хийгдэж байгаа талаарх таних тэмдэг нэр хаягтай байгаа гэдгийг онцоллоо. Ойн цэвэрлэгээний ажлыг хаврын хуурайшилт эхлэхээс өмнө хийдэг нь гал түймэр гарахаас урьдчилан сэргийлэхээс гадна хортон шавж бусад мод бут руу тархахаас урьдчилан сэргийлдэг юм байна.