Ерөнхий боловсролын сургуулиудын хаврын элсэлт удахгүй эхлэх гэж байгаабайна. Үүнтэй холбогдуулан Монгол Улсын Боловсролын Их сургуулийн харьяа ерөнхий боловсролын сургуулийн ирэх жилийн намар суралцах хүүхдүүдийн элсэлтийн талаар тус сургуулийн бага ангийн менежирП.Болорцэцэгээс тодрууллаа.
-Танай сургуулийн нэгдүгээр ангийн элсэлтийн бүртгэл хэзээнээс эхлэх вэ?
-Элсэлтийн талаарх хуваарь гарсан байгаа. Энэ оны дөрөвдүгээр сарын 1-ээс дөрөвдүгээр сарны 30-ны хооронд 1-12-р ангидаа элсэлт авна.
-Бэлтгэл бүлэгийн элсэлт яг хэзээнээс эхлэх юм бол?
-Бэлтгэл бүлэг маань тавдугаар сарын 6-аас тавдугаар сарын 17 хүртэл хичээллэнэ. Дараагаар нь тодорхой хэмжээнд элсэлтийн шалгалт гэж авдаг. Тэгээд сорилд тэнцсэн хүүхдүүддээ ирэх жил нэгдүгээр ангид орох батламжийг нь гардуулж өгдөг.
-Батламжийг хэзээ гардуулах вэ?
-Элсэлтийн батламжийг тавдугаар сарын 20-оос 24-ны хооронд дөрвөн өдөр зохион байгуулахаар тов гарсан.
-Элсэлтээр хэдэн хүүхэд авах вэ?
–Гурван бүлэг авна. Нэг ангид стандарт түвшинд заасны дагуу 30-35 хүүхэд элсүүлнэ.
-Нэмэлтээр хүүхэд авах уу?
-Авна. Манай сургуульд элсэх сонирхолтой байгаа бэлтгэл бүлгийн бөгөөд 2-12 ангийн хүүхдүүдээс түвшин тогтоох шалгалт гэж авдаг. Шалгалт тавдугаар сарын 18-ны өдөр болно.
-Одоогийн байдлаар нэгдүгээр анги хэдэн бүлэгтэй байгаа вэ?
-Гурван бүлэгтэй. Тавдугаар анги нэг, зургаадугаар анги хоёр, тэрнээс дээших ангиуд нь тус тус нэг бүлэгтэй.
-Ирэх хичээлийн жилийн төлбөр хэд болох вэ?
-Ирэх жилд нэгдүгээр ангид орох хүүхдийн төлбөр 3 сая төгрөг.
-Сургуулийн онцлог, давуу тал?
-Манай сургууль байгалын ухаан, гадаад хэлний гүнзгийрүүлсэн сургалттай. Байгалын ухааны бүх хичээлүүд нэмэлт цагаар ордог, ангил хэлний хичээл хоёрдугаар ангиас эхэлж орно. Бага ангид шатар, математик сонгоны хичээлүүд нэмэлтээр орж ирнэ. Энэ нь сургалтынхаа хөтөлбөрт орчихсон байдаг.Дээр нь зургаадугаар ангиас эхлээд Хятад хэл, Япон хэл сонголтоор үздэг. Эдгээр гадаад хэлний хичээлүүд нь бүгд гадаад багш нар заадаг. Ер нь багшийн хөгжил тал дээр их анхаарч ажилладаг. Төрөл бүрийн мэргэжил дээшлүүлэх сургалтад хамруулах гэх мэтийн.
-Гадаадын сургууль, байгууллагуудттай хамтарч ажилладаг уу?
-Тэгэлгүй яахав. Гадаад дотоодын харилцаа маш сайтай. Манай сургууль өөрөө их сургуулийн харьяа сургууль болохоор их сургууль ямар хамтын ажиллагаатай орнууд байна, тэд улсуудтай нь бас хамтарч ажилладаг.Энэ хичээлийн жилд БНСАУ, БНХАУ-руу багш болон сурагчид маань очиж туршлага судлах, суралцахүйл ажиллагааг зохион байгуулсан.
М.Сайнзаяа