Дэлхийн оюутны өвлийн универсиад 29 дүгээр наадам ОХУ-ын Красноярск хотод ирэх сарын 2-12-нд болно. Уг наадамд спортын 11 төрөлд болж 60 орчим орны 3000 гаруй төлөөлөгчид оролцох юм. Тэгвэл ОХУ-д анх удаа өвлийн Универсиад наадам эхэллээ.
.jpg)
Дэлхийн оюутны Универсиад 2019 наадмын тамирчдын тосгон энэ сарын 23-нд буюу өчигдөр нээгдэж, Канад, Япон, Их британи, АНУ, ОХУ, Австри улсын баг тамирчид хамгийн түрүүнд байрандаа оржээ.
Тосгоны нээлтийн ажиллагаанд ОУ-ын оюутны спортын холбооны Ерөнхийлөгч О. В. Матыцин, наадмын захиргааны дарга М. Уразов нарын зочид оролцон үг хэллээ.
Мөн ОУОСХ-ны сүлд дуулал “Гаудеамус” эгшиглэн, ОХУ-ын төрийн дуулал тоглогдон далбааг өргөсөн байна.
.jpg)
Энэхүү наадамд 58 орны 3000 гаруй төлөөлөгчид оролцон спортын 11 төрөлд 76 багц медалийн төлөө өрсөлдөнө. Өвлийн Универсиад наадам ОХУ-д анх удаагаа явагдаж байгаа ба зуны наадам 1973, 2013 онуудад болж байжээ.
.jpg)