АТГ-т мэдүүлэг өгсөн экс Ерөнхийлөгч Ц.Элбэгдорж АТГ-аас гарч ирэхдээ сэтгүүлчдэд тайлбар өглөө.
Сайн байцгаана уу? Тавантолгойн орд газартай холбогдсон асуудлаар дуудаж асуулаа. ШХАБ-ын талаар асуугаагүй. Зөвхөн Тавантолгойн асуудлаар Ерөнхийлөгчийн бүрдүүлж өгсөн материалтай холбоотой асуудлаар гэрчээр асууж тодруулга авсан. Хуулийн өмнө бүгд тэгш эрхтэй. Хууль дуудпах юм бол бүгд ирж тодруулга, мэдээлэл өгч асуусан зүйлд нь хариуулах үүрэгтэй. Хуулийн засаглалд Монголчууд бүгд итгэж явах ёстой гэж би хувьдаа бодож явдаг.
Бид гурван юм л хийхгүй байх ёстой гэж би боддог юм. Нэгдүгээрт албан тушаалтнууд хуулиас зугатаж болохгүй. Хууль дуудсан бол ирэх ёстой. Хуулийн байгууллагын ажлыг хүндэтгэх ёстой. Хоёрдугаарт Монгол Улс ШХАБ-д гишүүнээр элсэж болохгүй. Монголын ард түмний эрх, эрх чөлөө, биеэ даасан байдалд энэ нь аюул учруулна гэж боддог. Энэ хоёрыг нь л хэлье.
Тэр 178 хуудас материалтай би танилцаагүй. Хавтас хэрэгт нь байгаа. Би Ерөнхийлөгчөөс тэр 178 хуудас тамериалаа ард түмэн, хэвлэл мэдээлэлд ил болгооч ээ гэдэг ийм л хүсэлт тавьж байгаа. Тэнд нуух зүйл байх ёсгүй. Цаазын ялын асуудлаар дэлхийн конгресс гэж жилд нэг удаа болдог. Цаазын ялын эсрэг олон улсын комисс гэж байдаг түүнд би комишнейр гэдэг үүрэгтэй. Тэгэхээр энэ дэлхийн конгресс болох гэж байгаа. Тэр арга хэмжээ рүү би яваад ирнэ. Санаа зовох шаардлагагүй. Хурдан яваад хүрээд ирнэ.
Миний хамгийн санаа зовж байгаа зүйл бол бид бүхэнд гамшгийн хэмжээнд хүртэл тохиолдоод байгаа утааны асуудал байна. Энэ чиглэлээр иргэнийхээ хувьд хийхээр бодож байгаа зүйлүүд бий. Цаашид дуудсан цагт ирнэ. Ирэлгүй яахав. Хуулийн байгууллагаас асууя, тодруулъя гэх юм бол ирж, мэдүүлгээ өгнө. Монгол Улсын хууль бол миний хувьд хамгийн том хүч. Хаана ч байсан хууль намайг дуудах юм бол би хамгийн хурдан л ирэх болно. Хуулиас, хуулийн байгууллагаас зугатаах ямар ч шаардлага надад байхгүй.