Хойд Америкийн NBA-ийн 2019 оны Бүх-оддын тоглолт энэ амралтын өдрүүдэд эхэлж, өнөө өглөө дуусав. Тэмцээний эхний өдөр залуу тоглогчдоос бүрдсэн Дэлхийн шигшээ баг болон Нэгдсэн Улсын шигшээ багуудын тоглолт болсон. Тус тоглолтонд К.Ирвингийн дасгалжуулсан Нэгдсэн Улсын шигшээ баг өрсөлдөгчөө 161-144 харьцаатай хожсон байна.
Тоглолтын эхний хагас 83-71 харьцаатай Нэгдсэн Улсын багийн тэргүүлэл дор явагдсан бол сүүлийн хагаст Нэгдсэн Улсын шигшээ баг тэргүүллээ хадгалсаар ялалт байгуулсан юм. Нэгдсэн Улсын шигшээ багаас 4 тоглогч 20-иос дээш оноо авсан бөгөөд талбайд гарсан бүх тоглогчид оноо авчээ. К.Кузма 35 оноо, 6 самбар, 2 дамжуулалт өгч шилдэг тоглолт үзүүлэн тус тоглолтын ҮНЭ ЦЭНЭТЭЙ ТОГЛОГЧ болсон байна.
Дэлхийн шигшээ багаас Б.Симмонс 28 оноогоор багаа тэргүүлж Д.Аятон, Б.Богданович, Ш.Гилжес-Александр нар тус бүр 15 оноо, Л.Дончич, Ж.Окожи нар тус бүр 13 оноо авсан байна. Ийнхүү өнгөрсөн жилийн Бүх-оддын тоглолтоор хожил байгуулж байсан Дэлхийн шигшээ баг энэ жил Нэгдсэн Улсын шигшээ багт хожигдож байна.
ЛЕБРОНЫ БАГ ЯЛАЛТ БАЙГУУЛЖ, К.ДРАНТ ҮНЭ ЦЭНЭТЭЙ ТОГЛОГЧ БОЛЛОО
Бүх оддын тоглолт сүүлийн өнөө өглөө болов. Тэмцээний хамгийн оргил үйл явдал болох бүх оддын тоглолтоор төгсгөлөө. Энэ удаагийн тоглолтонд ЛеБрон Жеймсийн баг өрсөлдөгч Яннис Антетокунмпогийн багийг 178:164 харьцаатай хожсон. Тоглолтын эхний хагаст Грек тоглогч Яннисын баг 95 оноо авсан бол ЛеБроны баг 82 оноо авсан. Ингээд тоглолтын сүүлийн хагаст ЛеБроны баг эргэн ирэлт хийж тоглолтын төгсгөлийг сайн хийснээр энэ удаагийн тоглолтын ялагч болсон байна.
ЛеБрон Жеймсийн багаас К.Дюрант 31 оноогоор багаа тэргүүлсэн бол Л.Жеймс, К.Леонард 19 оноо, К.Ирвинг 13, Ж.Харден 12 оноо авсан бол сэлгээнээс К.Томпсон 20 оноо, Д.Лиллард 18, Б.Бейл, К.Таунс нар 11, Б.Симмонс 10 оноо авчээ. Харин Д.Уэйд 7, Э.Дэвис 5, Л.Алдриж 2 оноо авчээ. Хожил байгуулсан Л.Жеймсийн багаас энэ удаагийн бүх-оддын тоглолтын үнэ цэнэтэй тоглогч тодорсон бөгөөд К.Дюрант карьертаа 2 дахь удаагаа үнэ цэнэтэй тоглогч болжээ. К.Дюрант одоогоос 7 жилийн өмнө бүх-оддын тоглолтын үнэ цэнэтэй тоглогч болж байсан.
