ОХУ-ын Красноярск хотод зохион байгуулагдсан чөлөөт бөхийн нэрт дасгалжуулагч Дмитрий Миндиашвилигийн нэрэмжит олон улсын тэмцээний эрэгтэйчүүдийн 97 кг-ын жинд ОБЕГ-ын харьяа “Аврагч” биеийн тамир, техник-спорт хорооны тамирчин, ОУХМ Ө.Батзул хүрэл медаль хүртжээ. Тэрээр шигшээд нутаг нэгт Б.Намхайг 7:0-ээр, шөвгийн наймд Хойд Осетийн Георгий Гогаевыг 14:8-аар тус тус ялж, хүрэл медалийн төлөөх барилдаанд Дагестаны Асадулла Ибрагимовыг 7:2-оор ялсан байна.