Их жанжин Дамдины Сүхбаатарын мэндэлсний 126 жилийн ой маргааш тохионо. Энэ өдрийг тохиолдуулан МАН-ын дарга У.Хүрэлсүх, МАН-ын Ерөнхий нарийн бичгийн дарга Д.Амарбаясгалан тэргүүтэй МАН-ын Удирдах зөвлөлийн гишүүдийн төлөөлөл өнөөдөр Их жанжин Д.Сүхбаатарын хөшөөнд хүндэтгэл үзүүлж, цэцэг өргөв. Мөн Д.Сүхбаатарын ажил үйлс, амьдралын баримтыг дэлгэсэн үзэсгэлэн Тусгаар тогтнолын ордонд нээгдлээ. Эх оронч үзлийг төлөвшүүлэх зорилготой энэхүү үзэсгэлэнд их жанжин Д.Сүхбаатар, түүний гэргий Н.Янжмаа нарын эдэлж хэрэглэж байсан эд зүйлс, түүхэн гэрэл зураг, урлагийн бүтээлд мөнхрөн үлдсэн баримал зэргийг багтаасан 100 гаруй үзмэр тавигджээ.