“Байгаль нуурын тэшүүрийн марафон” олон улсын тэмцээний бүртгэл эхэллээ. Тэмцээн ирэх гуравдугаар сарын 1-3-нд Буриадын Ольхон дүүргийн Сахюрта тосгоны “Базарная губа”-д болно. “Тэмцээнд хүссэн хүн болгон оролцож болох бөгөөд хүүхдүүд 100 метр, насанд хүрэгчид 5-100 км-ийн зайд өрсөлдөнө”.хэмээн спортын сэтгүүлч М.Сугар-Эрдэнэ мэдээллээ. Энэ жилийн уралдаанд ОХУ, Герман, Голланд, Эстони, Япон, Хятад, Монголоос гадна Нигери улсын тамирчид оролцох мэдүүлгээ өгсөн байна. Гурван өдрийн дотор албан ёсны тэмцээнээс гадна шөнийн уралдаан, усны хувцастай тэшилт зэрэг олон сонирхолтой тэмцээн болно.