Нийслэлийн тээврийн газрын Автотээврийн хяналтын улсын байцаагчид шалгалт хийж байна.
Тодруулбал, цахим картаар зорчих хөлсөө төлөөгүй бэлэн мөнгөөр автобусанд зорчсон иргэнийг Зөрчлийн тухай хуулийн 14.6.1 заалтын дагуу 10.000 төгрөгөөр, зорчигчдоос бэлэн мөнгө авсан жолоочид Зөрчлийн тухай хуулийн 14.6.9 заалтын дагуу 25.000 төгрөгөөр торгож, холбогдох хууль тогтоомжийн хүрээнд арга хэмжээ тооцон ажиллаж байна.
Одоогийн байдлаар 6 чиглэлийн 79 тээврийн хэрэгсэл, 1067 зорчигч хамрагдсанаас бэлэн мөнгөөр зорчсон-4, зорчих хөлс төлөөгүй-22, хүүхдийн картаар зорчсон-4, ахмад настны картаар зорчсон-1, U money картын үлдэгдэл хүрэлцэхгүй-4, зэрэг нийт 35 зөрчил илэрчээ.