Эрүүл мэндийн яамны Бодлого, төлөвлөлтийн газрын дарга Р.Оюунханд ЭМЯ, ЖАЙКА ОУ-ын байгууллага хамтран хэрэгжүүлж байгаа “Анхан болон хоёр дахь шатлалын эмнэлгийн мэргэжилтний төгсөлтийн дараах сургалтыг боловсронгуй болгох нь” төслийн хүрээнд Японы ОУ-ын эрүүл мэнд, анагаах ухааны төвөөс ирж ажиллаж байгаа зөвлөх Икараши Мегуми-тэй уулзав.
Зөвлөх Икараши Мегуми нь сувилахуйн төгсөлтийн дараах сургалтын өнөөгийн байдал, сувилагч нарын сургалтын хэрэгцээг тодорхойлох, дээрх төслийн хүрээнд энэ чиглэлийн арга хэмжээг хэрэгжүүлэх боломжийг судлах зорилгоор ирээд байгаа юм.
Уулзалтаар Монгол Улсын эрүүл мэндийн хүний нөөц, тэр дундаа сувилахуйн хүний нөөцийн өнөөгийн байдал, тулгамдсан асуудал, хэрэгжүүлж буй арга хэмжээ, цаашдын хэрэгцээ, сувилахуйн хүний нөөцийг бэлтгэх асуудлаар ярилцаж, мэдээлэл солилцлоо.