Хуулийнхан ЖДҮХС-аас эрх мэдэл, албан тушаалын байдлаа ашиглаж, их хэмжээний зээл авсан хэрэгт нэр бүхий УИХ-ын гишүүн, сайд нарыг шалгаж байгаа. АТГ-ын Мөрдөн шалгах хэлтсийн алба хаагчид УИХ-ын 23 гишүүнийг яллагдагчаар татан шалгах саналыг Прокурорын байгууллагад хүргүүлэхээр ажиллаж байгаа юм байна. Энэ талаар албаны эх сурвалж “Мөрдөн шалгах ажиллагаа үргэлжилж байгаа. Одоогоор тодорхой мэдээлэл өгөх боломжгүй” гэсэн хариу өгчээ.