Японы мэргэжлийн сумогийн 69 дэх их аварга Хакухо М.Даваажаргалын амжилтыг Гиннесийн номд бүртгэн авчээ. Хакухо аварга мэргэжлийн сумогийн дээд зиндаанд 35 удаа түрүүлсэн бөгөөд Макүчи зиндаанд хамгийн олон түрүүлсэн, хамгийн олон удаа дараалан түрүүлсэн, хамгийн олон удаа уналгүйгээр түрүүлсэн, нэмэлт барилдаанаар хамгийн олон удаа түрүүлсэн сумогийн аварга гэсэн амжилтыг эзэмшдэг.
Сонирхуулахад, Хакухо М.Даваажаргал мэргэжлийн сумо бөхийн 2015 оны эхний башёд өвдөг шороодолгүй түрүүлснээр сумод хамгийн дээд амжилтын эзэн болсон түүхтэй. Тэрээр Сүмогийн их аварга Хакүхо 29 насандаа 33 дахь түрүүгээ авснаар Японы аваргууд болох Чиёнофүжи 32 насандаа 31, Тайхо 35 насандаа 32 дахь түрүүгээ авсан амжилтыг мөн эвдсэн гэдэг.
Энэ оны гуравдугаар сарын Харү башёд 34 дэх түрүү, долоодугаар сарын Нагоя башёд түрүүлж, Японы эзэн хааны цомыг 35 дахь удаагаа гардаж авсан гээд Хакухо М.Даваажаргалын дээд амжилт нэмэгдсэн байна.