Монголын үндэсний олимпийн хороо, Монголын спортын сэтгүүлчдийн холбоотой хамтран зохион байгуулдаг оны шилдэг дасгалжуулагч, шүүгч, тамирчдыг шалгаруулах “Бөртэ чоно” наадам энэ сарын 21-нд болно. Наадмын шилдгүүдэд тухайн жилдээ өндөр амжилт гаргасан тамирчдыг Монголын үндэсний олимпийн хорооноос нэр дэвшүүлдэг бөгөөд спортын сэтгүүлчид саналаа өгч шилдгийн шилдгийг нь тодруулдаг уламжлалтай. Энэ жилийн наадамд нэр дэвшигчид тодорч, санал асуулгаа авч эхэлсэн байна.
