Нийслэлийн Байгаль орчны газар байгуулагдсны 30 жилийн ойг тохиолдуулан НИТХ болон нийслэлийн захиргаанаас тэргүүний байгаль хамгаалагч, Улсын байцаагч, Байгаль орчны чиглэлээр идэвхи санаачилгатай ажиллаж буй хүмүүсийг шагнаж урамшууллаа.
Алтан гадас одонгоор НБОГ-ын Захиргааны хэлтсийн дарга Д.Баярмааг, БОАЖЯ-ны тэргүүний ажилтан цол тэмдэгээр, Г.Болормаа, Ц.Цогтбаатар, Д.Жамбажамц, Б.Цэцэг-Өлзий, Н.Адьяасүрэн нарыг, БОАЖЯ-ны “Жуух бичиг”-ээр Н.Эрдэнэбилэг, М.Чинсанаа, Ж.Батзолбоо нарыг, ОУ-ын “Эко ворлд” шагналаар НБОГ-ын дарга Э.Баттулгыг, Төрийн албаны тэргүүний ажилтнаар П.Мягмарсүрэнг, нийслэлийн “Тэргүүний ажилтан”-аар С.Санжмятав, О.Тэмүүжин нарыг, Улаанбаатар хотын хүндэт тэмдгээр Ю.Дэлгэрмааг, нийслэлийн Засаг дарга бөгөөд Улаанбаатар хотын Захирагчийн “Жуух бичиг”-ээр Д.Нацагдорж, М.Саруул, Д.Батсайхан, Д.Авьяасэд нарыг, НИТХ-ын “Хүндэт өргөмжлөл”-өөр Э.Жаргалсайхан, Б.Цэцэг-Өлзий, Б.Ганширэм нарыг, НИТХ-ын “Хүндэт үнэмлэх”-ээр Г.Доржсүрэн, Д.Төмөрбаатар, Н.Дорж, М.Мөнхнайрамдал нарыг, МЗХ-ны “Тэргүүний залуу” цол тэмдэгээр Ц.Цолмонбаатарыг, ЧД-ийн Засаг даргын жуух бичгээр Д.Ганбаатар, Г.Нацаг нарыг шагнаж урамшуулав.
Ойд зориулан иргэдийн оролцоотой амьдрах орчныг сайжруулах жилийн хүрээнд зохион байгуулж буй “Байгаль хамгаалалд иргэдийн оролцоо” чуулга уулзалтад үе үеийн албан хаагч, улсын байцаагч, байгаль хамгаалагчид оролцож ойгоо тэмдэглэж байна. Чуулга уулзалтад нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан, НИТХ-ын Тэргүүлэгчдийн Нарийн бичгийн дарга Б.Батбямба, БОАЖЯ-ны газар, хэлсийн дарга нар, байгаль орчны чиглэлээр үйл ажиллагаа явуулдаг төрийн болоод ТББ-уудын төлөөллүүд, нийслэлийн Байгаль орчны газрын үе үеийн удирдлага, ажилчин, албан хаагчид оролцов. Нийслэлийн Байгаль орчны газрын дарга Э.Баттулга “Анх 1988 онд байгаль орчны газар гэж байгуулагдсанаар манай байгуууллагын үүсэл тавигдаж, үйл ажиллагаа жил ирэх тусам өргөжин тэлж, нийслэлийн Агаарын бохирдлыг бууруулах газар, Богдхан уулын хамгаалалтын захиргаа зэрэг газрыг бие даалган гаргасан байна” гэлээ.Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан “Өнөөдрийн үйл ажиллагаа нь зөвхөн баяр тэмдэглэх биш. Цаашид ирээдүй хойч үедээ байгаль дэлхийгээ хэрхэн хамгаалах, байгаа хэвээр нь хэрхэн үлдээх вэ гэдгийг хэлэлцэхэд чиглэж байна. Нийслэлийн Байгаль орчны газраас байгаль орчныг хамгаалахад иргэдийн оролцоог хангахыг зорин ажиллаж байна” гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.