УИХ дах АН-ын бүлгээс мэдэгдэл хийлээ. УИХ-ын гишүүн, АН-ын дарга С.Эрдэнэ:
Эрх барьж буй МАН дотроо бүлэг фракцуудад хуваагдаж, эрх мэдэл сандал суудлын төлөө тэмцэлдэж байх хооронд Монгол Улсын нийгэм эдийн засаг улстөрийн байдал үнэхээр хүндэрч, урьд байгаагүй хэмжээнд хүртлээ доошоо орж байна. Монгол Улсын гадаад өрийн асуудал хэмжээнээсээ хэтэрлээ. 2016 онд МАН-аас дэвшүүлсэн өр нэмж тавихгүй, өрийг өрөөр дарахгүй, өргүй болгоно, мандуулна хөгжүүлнэ гэсэн амлалтдэвшүүлсэн мөрийн хөтөлбөр үлгэр боллоо. Бүрэн эрхийн хугацааны 2.5 жил нь өнгөрлөө. Одоо жил гарангийн хугацаа үлдсэн. Энэ хугацаанд эдгээр хүмүүс амлслтаа биелүүлж чадах уу? МАН-ын дарга, Монгол Улсын Ерөнхий сайд У.Хүрэлсүх ярьдаг гуравхан ажилтай. Гүйцэтгэл нэг байхгүй. Гурван ажил нь шатахууны үйлдвэр барина. Тэр нь хэзээ баригдах юм бүү мэд. Цэвэрлэх байгууламж барьж байгаа. Улаанбаатар хотыг өмхийгөөс салгана гэсэн. Саарал ус цэвэр усыг шийдэнэ гэсэн. 2013 онд гэрээ байгуулж, сая гарын үсгээ зурсан. Хийгдсэн юм алга. Нэг км ч зам ашиглалтад оруулсангүй, нэг ч бүтээн байгуулалт хийгдсэнгүй. Энэ оны хөрөнгө оруулалт, бүтээн байгуулалтын гүйцэтгэл маш муу байна. Хий хоосон шуудай, шуудайгаар нь мөнгө цацаж, шударга үнэний төлөө зүтгэж байгаа баатар мэтээр өөрийгөө дөвийлгэх гэж байна. Хий хоосон зүйлээр ард түмэн хооллох юм уу, агаарын бохирдол арилах юм уу.
Өнөөдрийн эрх баригчид сандал суудлаа ярьж, хэрүүл хийж байгаагаас нийслэлийн асуудал хамаагүй мэт аашилж байна.
Бензин шатахууны үнийн өсөлт хэмжээгээ алдлаа. Нийслэлийн Засаг даргаа ид ачааллын үеэр огцрууллаа. Дараагийн Засаг дарга нь томилогдоогүй байна. Ард түмнийг тайвшруулах, тархийг нь угаах гэсэн явуургүй алхмаа боливол ямар вэ эрх баригчид аа хэмээв.