АН-ын Үндэсний бодлогын хорооны V хуралдаан өнөөдөр Төрийн ордонд болно. Тус хуралдаанаар энэ сарын 5-ны өдөр болох IX Их хурлаар шийдвэрлэх асуудлыг эцсийн байдлаар тодорхой болгох юм. АН-ын ҮБХ нийт 380 гишүүнтэй бөгөөд намын их хуралд 1000 гаруй төлөөлөгч оролцох аж. Энэ удаагийн их хурлаар Ардчилсан намын Үзэл баримтлалыг шинэчлэн батлана. ҮБХ-ны V хуралдаанаар дараах асуудлуудыг хэлэлцэхээр төлөвлөөд байна.
-ҮБХ-ны гишүүний болон улс төрийн зөвлөлийн гишүүний бүрэн эрхийг батламжлах,
-Намын IX их хурлын зохион байгуулалтын асуудлыг хэлэлцэх,
-Үндсэн дүрмийн төслийн нэмэлт өөрчлөлт болон бусад асуудлыг хэлэлцэх юм.
Өнөөдөр V хуралдаанаас гадна хүндэтгэлийн концерт, шагнал гардуулах үйл ажиллагаа Соёлын төв өргөөнд тус, тус зохион байгуулагдана.