АНУ-ын 41 дэх ерөнхийлөгч Жорж Герберт Буш XI сарын 30-ны өдөр 94 насандаа таалал төгсчээ. Энэ тухай түүний хүү АНУ-ын 43 дахь ерөнхийлөгч Жорж Уолкер Буш мэдэгджээ. Тэрээр 1989 онд АНУ-ын 41 дэх ерөнхийлөгчөөр сонгогдон 1993 хүртэл ажиллаж байжээ. Мөн түүнээс өмнө найман жилийн хугацаанд дэд ерөнхийлөгчөөр ажиллаж байсан юм.
Дэлхийн хоёрдугаар дайнд оролцож нисгэгч байсан аж. Мөн 1964 онд анх улс төрд орохоосоо өмнө газрын тосны бизнес эрхэлж байжээ. Дөрөвдүгээр сард эхнэр Барбара нь 92 насандаа өөд болж, Герберт Буш долоо хоногийн дараа эмнэлэгт хүргэгдэн нас барах хүртлээ эрчимт эмчилгээний тасагт хэвтэн эмчлүүлж байсан гэнэ.