Засгийн газраас “Эрүүл шүд-эрүүл хүүхэд хөтөлбөр” хэрэгжүүлэхээр болсон. Энэ хөтөлбөрийн хүрээнд хүүхдийн шүдний тусламж, үйлчилгээний чанар, хүртээмжийг нэмэгдүүлэх, санхүүжилтийн тогтвортой байдлыг хангаж, салбар хоорондын хамтын ажиллагааг өргөжүүлэх замаар хүүхдийн шүдний өвчний тархалтыг 30 хувиар, цоорлын эрчмийг 4 нэгжээр бууруулах юм байна. Хөтөлбөрийг 2019-2023 онд хэрэгжүүлэхтэй холбогдуулан 2019 онд улсын төсөвт 4.7 тэрбум төгрөг төсөвлөжээ.