Эрүүл мэндийн төв, Өрхийн эрүүл мэндийн төвөөр дамжуулан жирэмсэн эмэгтэйчүүд, өндөр настан, архаг суурь өвчтэй зэрэг эрсдэлт бүлгийн хүн амыг үнэ төлбөргүй улирлын томуугийн эсрэг вакцинаар дархлаажуулж байна.
Томуугийн эсрэг вакциныг зургаан сараас дээш бүх насныхан эмчид үзүүлэн, ямар нэгэн эсрэг заалтгүй бол хийлгэх боломжтой. Ингэхдээ ханиад хүрээгүй, халуураагүй байх ёстой.
Зургаан сараас гурав хүртлэх насны хүүхдэд 0,25 мл-ээр тарих бөгөөд сарын дараа давтан үнэ төлбөргүй хийнэ. Харин гурваас дээш насныханд 0,5 мл-ээр нэг удаа хийнэ.
Томуугийн вакцин хийлгэснээс хойш 21 хоногийн дараа дархлаа тогтох бөгөөд вакцины халдвараас хамгаалах хугацаа нь нэг жил юм.