Монгол Улсын Засгийн газрын тогтоолоор батлагдсан “Гурван тулгуурт хөгжлийн бодлого”, нийслэлийн Засаг дарга бөгөөд Улаанбаатар хотын Захирагч С.Батболдын санаачилгаар “Хөгжлийн алтан гурвалжин” үйл ажиллагааны хүрээнд Улаанбаатар хоттой хил залгаа орших төвийн бүсийн аймгийн архивуудтай хамтран архив, албан хэрэг хөтлөлтийн хууль тогтоомжийн хэрэгжилт, тулгамдсан асуудлуудыг шийдвэрлэх, хамтарсан төсөл хөтөлбөр хэрэгжүүлэх, төрийн захиргааны байгууллагуудын бүтээлч, нягт хамтын ажиллагааг өргөжүүлэн хөгжүүлэх чиглэлээр хамтын үйл ажиллагаа тогтоох хөгжлийн бодлогыг нийслэлийн Архивын газрын хэрэгжүүлэн ажиллаж байна.
Дээрх зорилгын хүрээнд нийслэл, дүүргийн архивын удирдлагын бүрэлдэхүүн энэ сарын 10-12-ны өдрүүдэд Дархан-Уул, Булган, Орхон аймгийн Засаг даргын Тамгын газрын болон Уулын баяжуулах “Эрдэнэт үйлдвэр” ХХК-ийн архивын тасгийн үйл ажиллагаатай танилцаж, хөгжлийн бодлогыг хэрэгжүүлэхээр санамж бичиг байгуулан, санал солилцох үйл ажиллагааг зохион байгууллаа.
Энэхүү санамж бичигт тусгагдсан ажлуудыг үр дүнд хүргэн, хэрэгжүүлэхээ нотолж, бүс нутаг-хот байгуулалтын уялдааг хангах замаар төвлөрлийг сааруулж, нутаг дэвсгэрийн хөгжлийн тэнцвэрийг хангах, нутгийн захиргааны байгууллага хоорондын хамтын ажиллагааг өргөжүүлэх зорилгоор нийслэлийн Архивын газрын дарга С.Гаваа, Дархан-Уул аймгийн Архивын тасгийн дарга Ч.Төмөрбаатар нар энэ сарын 10-ны өдөр, Булган аймгийн Архивын тасгийн дарга Т.Дорж нар энэ сарын 11-ний өдөр, Уулын баяжуулах “Эрдэнэт үйлдвэр”-ийн Архивын тасгийн дарга Б.Одонтуяа нар энэ сарын 12-ны өдөр мөн Орхон аймгийн Архивын тасгийн дарга М.Мөнхбаяр нар энэ сарын 12-ны өдрүүдэд тус тус 2018-2020 оны хугацаанд хамтран хэрэгжүүлэхээр гэрээнд гарын үсэг зурлаа.
Санамж бичиг байгуулах үйл ажиллагаанд нийслэлийн дүүргийн Архивын тасгийн дарга болон мэргэжилтнүүд байлцаж, нягт хамтын ажиллагаа байгуулж ажиллахаа илэрхийллээ.
Талууд төвлөрлийг сааруулах, нутаг дэвсгэрийн хөгжлийн тэнцвэрийг хангах зорилгоор архив албан хэрэг хөтлөлт, засаглалын чиглэлээр болон нутгийн захиргааны байгууллагын хамтын ажиллагааг өргөжүүлэх, төрийн албан хаагчдыг сургах, харилцан туршлага судлуулах зэрэгт чиглэн ажиллана гэж нийслэлийн Архивын газраас мэдээлэв.