“Эврика-2018” ЭШИХ-ын салбар хуралдаан болж байна. Монголын залуучуудын холбооноос УИХ-ын даргын ивээл дор уламжлал болгон зохион байгуулдаг “Эврика-2018” эрдэм шинжилгээний их хурлыг 2018 оны 9,10, 11 дүгээр саруудад зохион байгуулж, үргэлжилж байна. Эрдэм шинжилгээний их хурал нь оюутан залуус, багш судаачид, эрдэмтдийн үндэсний онол, шинжлэх ухааны мэдлэгт суурилсан нийгэм, эдийн засгийн бүтээн байгуулалтад хувь нэмэр оруулах, НҮБ-аас зарласан тогтвортой хөгжлийн зорилтыг хэрэгжүүлэхэд чиглэсэн эрдэм шинжилгээ, судалгааны ажлыг шалгаруулж, олон нийтэд сурталчлан таниулах зорилготой билээ. Хуралд оюутан судлаач (Бакалаврын эрдмийн зэргээр суралцаж буй), залуу багш судлаач (Бакалавр, магистрын эрдмийн зэрэгтэй), эрдэмтэн судлаачид (Доктороос дээш эрдмийн зэрэгтэй) оролцох юм. Эрдэм шинжилгээний их хурал гурван үе шаттайгаар явах бөгөөд энэ үеэр шилдэг илтгэлүүдийг шалгаруулах юм.
Эрдэм шинжилгээний их хурлын нэгдүгээр үе шат: есдүгээр сарын 15-наас аравдугаар сарын 15-ны хооронд явагдсан. Энэ үеэр Оюутан судлаач, Залуу багш судлаач, Эрдэмтэн судлаач төрлөөс гурван салбар ангилал бүрээс шилдэг оролцогчдыг шалгаруулж, хоёрдугаар шатны шалгаруулалтад тодорхойлсон юм.
хоёрдугаар үе шатны шалгаруулалт 2018 оны 10-р сарын 25, 26-ны өдрүүдэд явагдлаа. хоёрдугаар шатанд багш 75, оюутан 78, эрдэмтэн 41 судлаач оролцохоор болсон.
Шалгаруулалт: Хүн нийгэм, Дэд бүтэц, Улс ардын аж ахуй салбараас “Эврика-
оюутан судлаач”, “Эврика- багш судлаач”, “Эврика-эрдэмтэн судлаач” ангилал тус бүрээс шилдэг есөн илтгэгч буюу нийт 27 илтгэлийг шалгаруулна. Гуравдугаар үе шатанд
II үе шатны шалгаруулалтаас шалгарсан шилдгүүд III үе шатны шалгаруулалт 2018 оны 11 дүгээр сарын 07-ны өдөр явагдана.
Төрийн ордны Их танхимд зохион байгуулах гуравдугаар шатны шалгаруулалтад шилдэг оролцогчид эрдэм шинжилгээний өгүүлэл илтгэх юм Шалгаруулалт Хүн нийгэм, Дэд бүтэц, Улс ардын аж ахуй салбараас “Эврика- оюутан судлаач”, “Эврика- багш судлаач”, “Эврика-эрдэмтэн судлаач” ангилал тус бүрээс шилдгийн шилдэг гурван илтгэгч буюу нийт есөн илтгэлийг шалгаруулна.