Өнөөдрийн чуулганы нэгдсэн хуралдаан үргэлжилж байна. Чуулганы хуралдаанд УИХ-ын гишүүд байр сууриа илэрхийлсээр байна.
Энэ үеэр УИХ-ын гишүүн С.Жавхлан мэдээлэл хийлээ.
Тэрбээр “Цаг үеийн асуудлаар мэдээлэл өгье. Энэ улс орны байдал их ноцтой байна. Энэ зун гэхэд гадаадын онгоц ирж, манайд баривчилгаа хийхийг завдлаа. Галт тэрэг замаасаа уналаа, яаманд аллага гарлаа. Улс орон даяар тоггүй болов. Алба хаагчийн гэрээс их хэмжээний ам.доллар гарч ирлээ. Гадаадын тагнуул байж болзошгүй иргэнийг баривчиллаа гэх мэт нийгмийг цочроож ард иргэдийг айлгаж ичээсэн дарамтанд оруулсан үйл явдал олон болов.
Төрийн гурван өндөрлөг ҮАБЗ-өө хуралдуулаачээ. Намрын чуулган нээлтээ хийлээ. Эдгээр асуудлаар тайлбар хийх юм болов уу гэж харсан таг чиг байх юм. Уг нь Үндэсний аюулгүй байдал хуралдуулах хэмжээний ноцтой шалтгаанууд мөн биздээ. Энэ болгоныг харчихаад хэлээ хазаад дуугуй сууж байгаа Ерөнхий сайд, Ерөнхийлөгч, 76-гаа ахалж байгаа УИХ-ын дарга та гурав юу бодож байна. Дуугараачээ.
Улс орон ийм аюултай нөхцөл байдалтай байхад энэ тэндэхийн хурал хэсч зээл тусламж авах, баярлаж хөөрч гар барьж, хүнд төмөр өргөж яваа та нар одоо зуны зугаалга, найр наадмаа дуусгаж орон овоохойдоо ирж энэ асуудлуудаа цэгцлэж жигдлээч. Зөв мэдээлэл өгөөч. ҮАБЗ-ийг хуралдуулах асуудлаар би та гуравт маргааш албан шаардлага хүргүүлнэ” гэлээ.