АНУ-ын телевизийн салбарын шилдгүүдийг тодруулах 70 дахь удаагийн “Эмми авардс” шагнал гардуулах ёслолын ажиллагаа өнөөдөр /Монголын цагаар маргааш өглөө/ Лос Анжелес хотод болно .
Улс төрийн өнгө аясыг шингээдэг, санаанд оромгүй ялагчдыг тодруулдаг гэдгээрээ энэ шагнал америкчуудын дунд үргэлж яригддаг, жилийн хамгийн дуулиантай үйл явдлын нэг юм. Шагналтныг тодруулах ажиллагаа улс төрөөс ангид биш гэдгийг бүгд мэддэг бөгөөд Ерөнхийлөгч Доналд Трамп ч энэ талаар илэн далангүй хэлж байсан удаатай. “Эмми авардс”-т хоёр удаа нэр дэвшиж байсан тэрээр “Эмми бол улс төр, тиййм болохоор л би энэ шагналыг хэзээ ч авч чадахгүй” хэмээн 2012 онд Твиттер хуудсандаа жиргэж байжээ.
АНУ-ын хувьд, Ерөнхийлөгчийн ээлжит сонгууль ирэх арваннэгдүгээр сарын дундуур эхлэхээр байгаа. Тиймээс энэ удаа зохион байгуулагчид ямар өнгө аясыг шагналдаа шингээх, ялагчид улстөржсөн ямар мэдэгдэл хийх нь вэ гэдэг асуудал олон нийтийн анхаарлыг татаж байна хэмээн ВВС агентлаг онцолжээ.