Ирэх есдүгээр сарын 1-ний өдөр буюу маргааш хот хоорондын зорчигч тээврийн үнэ нэмэгдэнэ гэсэн мэдээлэл бий юм. “Авто тээврийн үндэсний төв” ТӨУҮГ-аас мэдээлснээр, хот хоорондын нийтийн зорчигч тээврийн чиглэлүүдийн үнэд 2018 оны есдүгээр сарын 1-ний өдрийн 00:00 цагаас эхлэн өөрчлөлт оруулахаар болсон байна. Энэ нь шатахууны үнийн өсөлттэй холбоотой аж. Албаны эх сурвалж мэдээлэхдээ “Үнэ хэдэн төгрөгөөр нэмэгдэхийг одоогоор хэлэлцэж байна. Өөрчлөлт оруулах талаар Зам тээврийн хөгжлийн сайдын тогтоол бий. Түүний дагуу тооцон өөрчлөгдөнө” гэв.