Зам, тээврийн хөгжлийн яамны газрын дарга нарын сонгон шалгаруулалт зарлагдсан байна. Энэ сарын 12-ны өдөр Засгийн газрын ээлжит хуралдаанаар тус яамны сайд, дэд сайд, Төрийн нарийн бичгийн даргын хамт ажлаас нь чөлөөлсөн билээ.
Төрийн жинхэнэ албаны удирдах албан тушаалын сул орон тоог нөхөх зорилгоор тус яамны ТЗДТБХЗГ, ХШҮДАГ, Агаарын тээврийн бодлогын хэрэгжилтийг зохицуулах хэлтсийн дарга нарын орон тоонд ажлын байрны захиалгыг Төрийн албаны зөвлөлд хүргүүлжээ. Төрийн албаны зөвлөлөөс тухайн ажлын байрны нээлттэй сонгон шалгаруулалтыг зарлан явуулах юм байна.