Азийн 18 дугаар наадмын каратэгийн эмэгтэй 50, 68 кг, эрэгтэй 75, 84 кг-ын жингийн тулаанууд өнөөдөр болж, медальтнууд тодорно. Манайхаас эрэгтэйчүүдийн 75 кг-д улсаа төлөөлөн оролцож буй Өвгөнхүүгийн Хангайхүү өнөөдөр эхний тулаанаа Ираны Асгари Гонче Бахматай хийнэ. Хожвол манай тамирчин наймд үлдэж, медалийн төлөө өрсөлдөх боломжоо нэмэгдүүлэх юм. Тулаанууд 11.00 цагаас эхэлсэн бөгөөд манай тамирчин хамгийн сүүлд буюу найм дахь тулаанд дэвжээнд гарч ирнэ.