Хятадын Юньнань мужид таван магнитудын хүчтэй газар хөдлөлт болж, 18 хүн шархадсан байна. Уг газар хөдлөлт Тонгхай, Хуанинг мужийг хамарч ихээхэн хэмжээний барилга байгууламжийг сүйтгэсэн гэж орон нутгийн Иргэний хэрэг эрхлэх газрын хэлтсээс мэдээлжээ.
“Миний ажлын өрөө чичирч эхэлсэн” гэж Тонгхай хотын Ортотехникийн эмнэлэгийн сувилагч Чан Ли ярьжээ. Түүнчлэн тэрбээр гэртээ очиход газар хөдлөлтөөс үүдэн гэр нь нурсан байсан ба ээжийнх нь хөл юманд дарагдсан байжээ. Харин Цагдаагийн алба хаагчид ээжийг нь эмнэлэгт хүргэхэд тусалсан байна. Орон нутгийн Иргэний хэргийн хэлтэс газар хөдлөлтөд нэрвэгдсэн бүсэд 200 орчим майхан, 600 ор, 1000 хөнжил өгчээ.