Дэлхийн болон 2020 оны Токиогийн олимпийн наадын чанасааны оноо олгох жүдо бөхийн гранпри тэмцээн Хорватын Загреб хотын “Арена Загреб”-т үргэлжилж байна.Олон улсын“А” зэрэглэлийн тэмцээнд жүдо бөх өндөр хөгжсөн78 орны 500 орчим тамирчид хүч үзэж байгаа юм.Энэ удаагийн гранпри тэмцээнд Монгол Улсын төлөөлж гавьяат тамирчин Г.Болдбаатар, Г.Одбаяр нараар ахлуулсан таван тамирчин өрсөлджээ.
Эрэгтэйчүүдийн 60 кг-д ддэлхийн аварга Г.Болдбаатар зодоглож эхний даваанд гоц мөргөж Чилийн Угор Вера, Унгарын Чабо Сабо нарыг хожиж шилдэг наймд шалгасан. Хэсгийн аваргын төлөөх хариуцлага барилдаанд ОХУ-ын шилдгүүдийн нэг Роберт Мшидобадзед хожигдсон юм. Тэрээр дагах тойрогт орж барилдсан тэрээр олимпийн наадмын мөнгөн медальт Гүржийн бөх Амиран Папинашвилид ялагдаж долдугаар байр эзэсж тэмцээнээ өндөрлүүлсэн байна. Энэ жинд насанд хүрэгчдийн улсын аварга залуу мастер Л.Өнөболд барилдаж дэлхийн чансааын тэргүүн бөх Японы Рюүжү Нагаяамад дийлдэж ажлаа дуусгажээ. 60 кг-ын жинд Рюүжү Нагаяама алтан медаль, ОХУ-ын Алберт Огузов мөнгө, Роберт Мшидобадзе, Амиран Папинавили нарын шилдгүүд медалийн тавцанд зогсчээ.
Эмэгтэйчүүдийн 48 кг-д дэлхийн чансааны тэргүүн бөх гавьяат тамирчин М.Уранцэцэг өнжлөө. Харин гавьяатыг орлож татамид гарсан залуу тамирчин Ганбаатарын Наранцэцэг эхний тойрогт ОХУ-ын Сабина Гилиазовад хожигдож тэмцээнээ өндөрлүүлжээ.Энэ жинд Япончууд ноёрхож Эндо Хироми алт, Тамами Ямазаки мөнгөн медаль хүртжээ.Харин хүрэл медалийг Косовогийн Дистриа Красники, Словекийн Милича Николич зүүсэн байна.
Эрэгтэйчүүдийн 66 кг-долон улсын хэмжээний мастер Д.Алтансүх зодоглож Итали, Польш, Ираны тамирчдыг хожиж хэсгийн аварга болсон ч зооны аваргын өтөлөө Японы Кензо Тагавад хожигдсон байна.Дагах тойрогт шилжсэн манай бөх Молдавын Денис Веруд хожигдож шагналт тавдугаар байр эзэлсэн байна. Энэ жинд цэргийн дэлхийн аваргаАдьяагийн Батсуурь хүч үзэж эхний тойрогт Бостванагийн Гавин Могопаг, дараа нь Сербийн Страхинья Бунчичийг, улмаар Кубын Осниэл Солисыг илүүрхсэн ч хэсгийн аваргын төлөө Египетийн Мохамед Авгоуда гэх залууд ялагджээ. Дагах барилдаанд Молдавын Денис Веруд ялагдсанаар тэмцээнээ өндөрлөв. Энэ жинд ЯпоныКензо Тагава алт Египтийн Мухамед Авгоуда мөнгө, Украйны Богдан Айдов, Молдавын Денис Веру нар хүрэл медаль зүүжээ. Тэмцээнд Украйны домогт тамирчин Гиорги Зантайра барилдсан ч Мухамед Авгудад хожигдож хоосон хоцорсон байна.
Эрэгтэйчүүдийн 73 кг-ын жинд Лондоны олимпийн наадмын мөнгөн медальт Миклош Унгвари гялалзаж алтан медаль зүүжээ. Өнөө жил 37 настай тэрээр аваргын төлөөх барилдаанддэлхийн аварга Масаши Эминумаг үүрэхэд нь зөрүүлж дарж цэвэр ялсан юм. Дэлхийн аварга шалгаруулах тэмцээний хүрэл мелдаьт, гавьяат тамирчин Ганбаатарын Одбаяр Монгол улсаа төлөөлж хүч үзэж шилдэг дөрөвт үлдсэн ч Масаши Эмбинумад хожигдож дагах тойрогт шилжсэн. Хүрэл медалийн төлөөх барилдаанд Унгарын Сабиод хожигдож шагналт тавдугаар байр эзэлжээ. Загребын гранпригаас алтан медаль хүртсэн бөх чансааны 700 оноо, мөнгө 490, хүрэл 300 оноо авсан юм. Монголын жүдочид маань сүүлийн хоёр тэмцээнээс медаль зүүж чадсангүй.